Последни Новости

Последни Новости (0)

Предвремена исплата на декемвриските пензиии

 

Новогодишно изненадување од Еуростандард банка за пензионерите

 

Примателите на пензија преку Еуростандард банка ќе добијат предвремена исплата на декемвриските пензиии

За поубави Новогодишни празници, исполнети со радост, Дедо Мраз од Еуростандард банка ќе ги изненади своите клиенти пензионери со предвремена исплата на декемвриските пензиии.

Сите приматели на пензии кои својата пензија ја примаат од Фондот за пензиско и инвалидско осигурување преку Еуростандард банка, ќе добијат исплата на пензиите на 30 декември.Оние пензионери кои својата пензија ја примаат на трансакциска сметка,ќе можат да ја подигнат на мрежата на банкомати и експозитури на Банката, додека пак оние кои ја добиваат во својот дом, Еуростандард банка ги известува дека ќе им биде врачена исто така на 30 декември.

Со оваа одлука, Еуростандард банка продолжува да ја следи својата мисија за задоволување на потребите на своите клиенти, но секако и за континуиран напредок и развој на своето работење во сите свои сегменти.

Еуростандард банка на сите свои клиенти им ги честита Новогодишните и Божиќните празници, со искрени желни за весела, бериќетна и успешна година.


 

Со почит,

ЕУРОСТАНДАРД БАНКА АД СКОПЈЕ

 

Промена во начинот на извршување на трансакциите од страна на клиентите – нерезиденти

 

Почитувани клиенти,

Ве известуваме дека согласно регулативата и интерните акти на Банката, Еуростандард Банка АД Скопје изврши промена во начинот на извршување на трансакциите од страна на клиентите – нерезиденти.

Почнувајќи од 01.12.2019 за секој пристигнат девизен прилив на износ еднаков и поголем од ЕУР 10.000 во корист на физички и правни лица нерезиденти клиенти на Банката, пред распоредување на приливот и одобрување на средствата на сметката на корисникот задолжително мора да бидат доставени документи од кои ќе се утврди основот на приливот, потеклото на средствата и намената на средствата.

Доставувањето на соодветната документација е задолжително за сите приливи над утврдениот лимит и истите нема да бидат извршени без приложување на соодветната документација.

За дополнителни информации, Ве молиме информирајте се во најблиската експозитура на Еуростандард Банка АД Скопје.

 

Со почит,

ЕУРОСТАНДАРД БАНКА АД СКОПЈЕ

 

Информации во врска со експозитурата во Гостивар

 

Почитувани клиенти,

Ве известуваме дека согласно Законот за празниците на Република Северна Македонија, 22.11 (петок), 2019 година експозитурата на Еуростандард банка во Гостивар нема да работи со клиенти.
Дополнително на располагање Ви стојат мрежата на банкомати на Банката.

 

Со почит,

ЕУРОСТАНДАРД БАНКА АД СКОПЈЕ

 

Појава на нелегитимни податоци на интернет во врска со Еуростандард Банка АД Скопје

Почитувани клиенти,

Ве известуваме дека рекламите за отворање на сметки во Еуростандард Банка АД Скопје, кои се појавија на одредени сајтови на Интернет се нелегитимни. Единствено официјално место за податоци е корпоративната веб страница на Банката, а сите останати страници кои во име на Банката собираат податоци се со лажни или злонамерни цели.

Ве известуваме дека Еуростандард Банка АД Скопје нема никаква врска со објавувањето на овие реклами и Ве советуваме да бидете исклучително внимателни кога ги споделувате вашите лични податоци на Интернет. Во исто време ве повикуваме уште еднаш да ги прочитате „Препораките за сигурно користење на електронско банкарство“.

 

Со почит,
ЕУРОСТАНДАРД БАНКА АД СКОПЈЕ

Tековно оддржување на системот

 

 

Почитувани клиенти,

Заради тековно оддржување на системот, Еуростандард Банка АД Скопје Ве известува дека во периодот од 07.09.2019 година по 22:00 часот до 09.09.2019 година системите на Банката нема да бидат достапни за редовно работење.

Ви благодариме за разбирањето.

 

 

Со почит,
ЕУРОСТАНДАРД БАНКА АД СКОПЈЕ

Од оваа есен нови кредитни производи на Еуростандард банка

Со доаѓањето на есента животните трошоци нагло растат, трошоците поврзани со новата училишна година мораат да бидат подмирени, школарината за новата студентска година да биде платена, средствата потрошени за годишниот одмор да се надокнадат. А, кога на сето ова ќе се додадат и режиските трошоци, кои не трпат одлагање, мораме да признаеме дека крајната сума која треба да се одвои не е за потценување. Од друга страна, сите сакаме да го подобриме квалитетот на живеење, нашиот но и на нашето семејство. Па така, во овој период од годината, по пеколните летни горештини, размислуваме и за реновирање, можеби нов автомобил, нов дом, а зошто да не, и едно убаво есенско патување. Но, честопати, буџетот со кој располагаме едноставно не е доволен за се што ни треба или се што посакуваме. 

Eurostandard for web

За исполнување на сите желби и потреби, на располагање ги имаме кредитните продукти на Еуростандард Банка кои од оваа есен стануваат уште подостапни и интересни.

Следејќи ги трендовите за сезонските потреби на клиентите и секогаш стремејќи се истите да ги задоволи, Банката одлучи од оваа есен да понуди нови атрактивни кредитни продукти за полесно реализирање на сите животни планови и проекти. Во палетата на кредитни производи на Банката, во следните неколку месеци, ќе се најдат кредити со поволни каматни стапки и услови. 

Затоа, доколку ви е во план да земате кредит, можеби паметна одлука ќе биде да ја причекате и погледнете понудата на Еуростандард банка која ќе биде достапна наскоро. Повеќе детали поврзани со новите поволни кредити следуваат наскоро и ќе бидат објавени на  веб страницата на Банката.


 

Со почит,
ЕУРОСТАНДАРД БАНКА АД СКОПЈЕ

Деновите на финансиската писменост

Почитувани Клиенти,

Еуростандард банка АД Скопје, како општествено одговорна компанија се вклучува во реализацијата на Деновите на финансиската писменост, кои ќе се одржат во земјава, од 29 до 31 мај, во организација на Народната банка и другите регулаторни финансиски институции.

Годинава, во рамки на третото издание на Деновите на финансиска писменост, од 29 до 31 мај, во експозитурите на нашата банка, граѓаните ќе можат во непосредна комуникација со нашите вработени да ги добијат сите информации кои им се потребни, а се однесуваат на нашата работа и продуктите коишто ги нудиме, како и информации за современите начини на плаќање, можностите за управување со долг итн.

Еуростандард банка АД Скопје во согласност со своите можности ќе овозможи за сите барања за информации од областа на нашето работење, граѓаните да бидат информирани или советувани од нашите вработени.

Во експозитурите на Банката ќе има истакнат информативен материјал за дополниелно информирање на сите клиенти.

Ве очекуваме!

 

Со почит,
ЕУРОСТАНДАРД БАНКА АД СКОПЈЕ

СООПШТЕНИЕ

Почитувани Клиенти,

Во врска со информациите кои се појавија денес во некои медиуми, а во согласност со своите принципи на транспарентно информирање и работење, Еуростандард банка АД Скопје го издава следново соопштение:

Г.дин Зоран Николовски, долгогодишен член на Управниот одбор на банката, поради приватни причини се повлекува од функцијата Член на Управниот одбор. Својата експертиза г-динот Николовски ќе продолжи да ја споделува како советник на Управниот одбор на Еуростандард банка.

По препорака на Надзорниот одбор на банката, за нов член на УО е предложен г-дин Горан Трајковски. Процедурата за именување на г-дин Трајковски како член на УО на Еуростандард банка е во тек. Г-динот Николче Петкоски останува на функцијата Претседател на Управниот одбор на Еуростандард банка.

Еуростандард банка продолжува да ја следи својата мисија за континуиран напредок и развој на своето работење во сите негови сегменти, почнувајќи од човечкиот капитал, технологијата, разновидноста на своите производи и услуги, секогаш имајќи ги во фокус своите клиенти, задоволување на нивните финансиски потреби и секако, нивната успешност.


 

Со почит,
ЕУРОСТАНДАРД БАНКА АД СКОПЈЕ

Имплементирање на технологијата 3D Secure – MC Secure Code

Почитувани Клиенти,

Со задоволство Би сакале да Ве информираме дека Еуростандард Банка АД Скопје од 15.04.2019 година ќе овозможи на корисниците на Master дебитни и кредитни картички највисоко ниво на безбедност при интернет плаќања во земјата и странство.

Со имплементирање на технологијата 3D Secure – MC Secure Code на Вашиот мобилен телефон ќе се испраќа СМС порака со еднократна (ОТП) лозинка со која се врши валидација на интернет трансакциите. Со цел успешно да Ви биде доставена СМС пораката, потребно е да го имате ажурирано Вашиот мобилен телефон. Ажурирањето може да го извршите во најблиската експозитура или шалтер на Еуростандард банка.

За повеќе информации можете да не контактирате на телефонскиот број 02/3249 499 или на Оваа е-адреса е заштитена од спамботови. Треба да ви е овозможено JavaScript за да ја видите.

 

Со почит,
ЕУРОСТАНДАРД БАНКА АД СКОПЈЕ

Subscribe to this RSS feed