Последни Новости

Последни Новости (0)

Ново работно време на Централата на Еуростандард банка!

Почитувани пензионери,

Ве известуваме дека Еуростандард банка изврши промена на работното време на Централата на банката која од 13.07.2020 година ќе биде достапна за клиентите секој работен ден од 08:00 до 17:00 часот.

Во сабота Централата на банката нема да биде достапна за клиентите.

Апелираме да се придржувате на мерките за превенција, користете заштитна маска/марама и почитувајте растојание од 2 метри.

Банката продолжува со засилен режим на хигиена и одржување на просториите и банкоматите со цел поголема заштита на посетителите и вработените.

 Со почит,
ЕУРОСТАНДАРД БАНКА АД СКОПЈЕ

 

 

 

 

 

 

 

Еуростандард банка на 50.000 корисници на парични права од социјална заштита ќе изврши исплата во еден ден

Почитувани пензионери,

 

На 3-ти јули 2020 година (петок), Еуростандард банка започнa со исплата на парични права од социјална и детска заштита, и тоа на сите корисници, без поделба во групи по азбучен ред.

Исплатени се корисниците на парична помош кои своите средства ги добиваат на картичка, клиентите кои средствата ги подигнуваат на шалтерите на банката, како и 20.000 корисници на парични права од социјална и детска заштита кои своите средства ги добиваат во својот дом.

Еуростандард банка е всушност и единствената банка во земјава која на своите клиенти паричната помош ја доставува директно до нивниот дом, и тоа на целата територија на државата.

„Свесни сме за состојбата со пандемијата која нѐ засега сите и осврнувајќи се на препораките населението да не излегува од дома без поголема потреба, сакаме на сите наши клиенти кои не се во можност да ги подигнат своите средства од експозитурите да им излеземе во пресрет, со цел да не се изложуваат на дополнителен ризик. Веруваме дека со овој гест успеваме барем малку да придонесеме за поголема заштита на населението“

Инаку, експозитурата Центар која е наменета исклучиво за корисниците на надомест од Министерството за труд и социјална политика, своите капацитети ги стави на максимум при што сите шалтери на експозитурата од 08 до 16 часот од понеделник до петок ќе им бидат на располагање на клиентите.

Дополнително, за корисниците на Mastercard дебитната картичка, Банката овозможи дополнителна поволност своите средства да можат да ги подигнат без надоместок, како на банкоматите на Еуростандард банка, така и на банкомати на сите други банки.


 Со почит,
ЕУРОСТАНДАРД БАНКА АД СКОПЈЕ

 

 

 

 

 

 

 

Предвремена исплата на пензии

Почитувани пензионери,

Сите приматели на пензии кои својата пензија ја примаат од Фондот за пензиско и инвалидско осигурување преку Еуростандард Банка, ќе добијат исплата на пензиите на 26-јуни (петок).

Оние пензионери кои својата пензија ја примаат на трансакциска сметка, имаат дополнителна можност за дозволено пречекорување во висина до 3 пензии.

Корисниците на дебитни картички пензиите ќе можат да ги подигнат на банкомати на Банката и на банкомати на сите други банки без провизија.

Пензионерите кои не се корисници на дебитни картички апелираме при подигање на пензијата да поднесат и барање за изработка на дебитна картичка за полесно располагање со средствата во претстојниот период.

Оние пензионери кои ја добиваат пензијата во својот дом, Еуростандард Банка ги известува дека ќе им биде доставена исто така на 26-јуни.


 Со почит,
ЕУРОСТАНДАРД БАНКА АД СКОПЈЕ

 

 

 

 

 

 

 

Ова лето Еуростандард банка својот простор го претвора во промотор на уметноста

Почитувани клиенти,

Како долгогодишен поддржувач на уметноста, но и на културата воопшто, ова лето Еуростандард банка се приклучува кон проектот „Летна авантура со Култура“ преку кој Банката ќе ја промовира литературата и младите автори во сите свои експозитури.

Проектот на издавачката куќа „Култура“ подразбира промоција на многу нови наслови и попусти на голем број бестселери од повеќе домашни и странски автори, стручна литература, учебници, литература за деца итн., додека пак Еуростандард банка ќе го стави својот простор на располагање со цел промоција на литературата и уметноста.

Имено, во текот на летото просториите на Еуростандард банка ќе бидат претворени во литературно и творечко катче во кое многу млади автори ќе имаат можност да ги претстават своите дела, а пак за своите клиенти, како дел од проектот Банката најавува и голем број изненадувања, подароци, разни интересни активности за љубителите на книгата, како и содржини за најмалите.

letna avantura so kultura

„Во ова неизвесно време во кое живееме, книжевноста е уметност која создава нови, поинакви светови, правејќи го и нашиот свет подобро место за живеење. Токму затоа, во соработка со Култура одлучивме ова лето и нашите клиенти да ги однесеме во еден нов свет на нови наслови, бестселери, дела на бројни современи домашни и странски автори и голем број изненадувања, со што веруваме дека и нивното секојдневие ќе успееме да им го направиме поубаво и поразлично барем за момент. Ги покануваме сите заинтересирани да повелат во некоја од нашите експозитури, со цел заедно да делуваме во насока на промоција на уметноста и поддршка на младите автори“, велат од Еуростандард банка.

Инаку и досега Еуростандард банка се приклучувала на повеќе иницијативи и кампањи на издавачката куќа „Култура“ со цел поддршка на литературата, а е долгогодишен и искрен промотор и на културата воопшто, поддржувајќи бројни културни манифестации меѓу кои и „Охридско лето“ и „Скопскиот џез фестивал.“

За повеќе информации околу проектот „Летна авантура со Култура“ и најава на активностите, следете ја Фејсбук страницата на Еуростандард банка.


 Со почит,
ЕУРОСТАНДАРД БАНКА АД СКОПЈЕ

 

 

 

 

 

 

 

Предвремена исплата на пензии

Почитувани клиенти,

Сите приматели на пензии кои својата пензија ја примаат од Фондот за пензиско и инвалидско осигурување преку Еуростандард Банка, ќе добијат исплата на пензиите на 27-мај (среда).

Оние пензионери кои својата пензија ја примаат на трансакциска сметка, имаат дополнителна можност за дозволено пречекорување во висина до 3 пензии.

Корисниците на дебитни картички пензиите ќе можат да ги подигнат на банкомати на Банката и на банкомати на сите други банки без провизија.

Пензионерите кои не се корисници на дебитни картички апелираме при подигање на пензијата да поднесат и барање за изработка на дебитна картичка за полесно располагање со средствата во претстојниот период.

Оние пензионери кои ја добиваат пензијата во својот дом, Еуростандард Банка ги известува дека ќе им биде доставена исто така на 27-мај.

 Со почит,
ЕУРОСТАНДАРД БАНКА АД СКОПЈЕ

 

 

 

 

 

 

 

Дополнителни поволности за корисниците на парични права од социјална заштита

Почитувани клиенти,

Дополнителни поволности за корисниците на парични права од социјална заштита.

Ве известуваме дека на 4-ти мај 2020 година (понеделник), Еуростандард Банка ќе започне со исплата на паричните права од социјална заштита. Банката излезе во пресрет на Вашите барања и одлучи Експозитурата Центар да ја намени исклучиво за Вас корисниците на надомест од Министерството за труд и социјална политика. Истата се наоѓа спроти "Дом на инвалиди" на ул. Даме Груев бр.3, во Скопје. Сите корисниците кои ја примаат паричната помош во Еуростандард Банка ќе добијат дополнителна можност за потрошувачки кредит како и можност за дозволено пречекорување на својата сметка. Корисниците на Mastercard дебитни картички ќе можат своите средства да ги подигнат на банкомати на Банката и на банкомати на сите други банки без провизија.

Работното време на експозитурата Центар е до 16 часот.

 Со почит,
ЕУРОСТАНДАРД БАНКА АД СКОПЈЕ

 

 

 

 

 

 

 

Исплата на пензии за април

Почитувани клиенти,

Сите приматели на пензии кои својата пензија ја примаат од Фондот за пензиско и инвалидско осигурување преку Еуростандард Банка, ќе добијат исплата на пензиите на 28-април (вторник).

Оние пензионери кои својата пензија ја примаат на трансакциска сметка, имаат дополнителна можност за дозволено пречекорување во висина до 3 пензии.

Корисниците на дебитни картички пензиите ќе можат да ги подигнат на банкомати на Банката и на банкомати на сите други банки без провизија.

Пензионерите кои не се корисници на дебитни картички апелираме при подигање на пензијата да поднесат и барање за изработка на дебитна картичка за полесно располагање со средствата во претстојниот период.

Оние пензионери кои ја добиваат пензијата во својот дом, Еуростандард Банка ги известува дека ќе им биде доставена исто така на 28-април.

За поголема заштита на пензионерите, Еуростандард Банка исплатите ќе ги врши во термин од 08:00 до 12:00 часот.

Ги замолуваме сите клиенти кои не се пензионери, доколку имаат потреба да дојдат во некоја од експозитурите на банката, тоа да го сторат по 12 часот, со цел да им се даде предност и приоритет на пензионерите како најзагрозена група на граѓани.

 Со почит,
ЕУРОСТАНДАРД БАНКА АД СКОПЈЕ

 

 

 

 

 

 

 

Промена на работно време заради намалување на рестрикциите на движење

Почитувани клиенти,

Согласно донесените Одлуки од Владата, за намалување на рестрикциите на движењето, Еуростандард Банка Ве известува дека од денес 23.04.2020 година, изврши промена на работното време на своите експозитури.

• Експозитурата Централа во работните денови ќе Ви биде достапна од 08:00 до 16:00 часот.
• Останатите експозитури на Еуростандард Банка од понеделник до петок ќе работат во период од 08:00 до 14:00 часот.

Доколку морате да посетите некоја од нашите експозитури, задолжително е носење на заштитна маска при влез во просторијата. Банката ќе ги почитува Одлуките на Владата и нема да дозволува влез во експозитурите на лица кои со себе нема да имаат соодветна заштита.

Ви препорачуваме да ги користите бесплатните електронски сервиси и мрежата на банкомати на Еуростандард Банка и што е можно помало движење и директен контакт во експозитурите на банката.


 Со почит,
ЕУРОСТАНДАРД БАНКА АД СКОПЈЕ

 

 

 

 

 

 

 

Промена на работно време на експозитури

Почитувани клиенти,

Ве известуваме дека во согласност со последните воведени мерки од Владата на РСМ за спречување на ширење на Корона вирусот, како и промената на полицискиот час, Еуростандард  Банка изврши промена на работното време на своите експозитури почнувајќи од среда 08.04.2020 година.

• Сите експозитури на Еуростандард Банка од понеделник до петок ќе работат во период од 08:00 до 14:00 часот.
• Експозитурите на Банката во сабота нема да работат.

За Ваша поголема заштита, овој период ќе Ве замолиме да се насочите кон плаќања преку Вашите картички и електронско банкарство.

Ве потсетуваме дека со нашата Mastercard дебитната картичка можете да повлекувате средства и од банкомати на сите банки во земјава без надомест.


 Со почит,
ЕУРОСТАНДАРД БАНКА АД СКОПЈЕ

 

 

 

 

 

 

 

ЈАВНА ПОНУДА За промена на договорни услови на кредитните производи на правни лица

ЕУРОСТАНДАРД БАНКА АД Скопје Ве повикува, своите клиенти правни лица, да пристапите кон промена на договорните услови на кредитните производи, со цел олеснување на последиците и негативните ефекти во работењето во времетраењето на вонредната состојба.

Доколку Банката досега дирекно не Ви се обратила, Вие можете самоиницијативно да побарате промена на договорни услови со пополнување на Барање во вонредни услови (КОВИД-19), кој покрај во писмена форма на адреса на Банката, ул.Никола Кљусев бр.2, 1000 Скопје можете и електронски да го пополните и во скенирана форма да го доставите, заклучно со 17.04.2020 година.

Согласно Вашите потреби, Банката ќе Ви достави персонализирана понуда за олеснување на договорните услови, како известување преку електронска и/или писмена комуникација.

Електронската комуникација се одвива преку:

Оваа е-адреса е заштитена од спамботови. Треба да ви е овозможено JavaScript за да ја видите.

За дополнителни информации на располагање Ви се следните телефонски броеви:

• Невена Јоновска 02/ 3249-494 - Дирекција за големи клиенти;
• Филип Блажевски 02/ 3249-476 - Дирекција за мали и средни клиенти.

Дозволете, заедно со Вас да го одбереме најдоброто решение, во склад со Уредбата со законска сила за начинот на промената на договорните услови на кредитните изложености кај банките и штедилниците (Службен весник на РСМ бр.80 од 27.03.2020 година) и Одлуката за изменување и дополнување на Одлуката за методологијата за управување со кредитниот ризик на НБРСМ (Службен весник на РСМ бр.бр.76/20 од 24.03.2020 година).


 

 


 Со почит,
ЕУРОСТАНДАРД БАНКА АД СКОПЈЕ

 

 

 

 

 

 

 

Subscribe to this RSS feed